Arnar heldur fram
Tað hevur í eina tíð verið greitt, men nú eru formligu viðurskiftini eisini fingin uppá pláss.
EB/Streymur og Arnar Dam hava gjørt sáttmála, soleiðis at Arnar eisini komandi kappingarár verður partur av venjaratoyminum hjá EB/Streymi.
Arnar er 29 ára gamal, og átti tí at verið í besta fótbóltsaldri. Hann hevur tó seinnu árini verið so mikið darvaður av skaðum, at hann hevur slept ætlanunum um at halda fram við fótbólti á hægsta støði. Hann hevur spælt tilsamans 221 dystir fyri fyrstalið hjá EB/Streymi. Tann fyrsta 15. september 2008 móti ÍF og tann seinasta 15. september 2019 móti ÍF.
Samstundis sum Arnar er partur av toyminum kring fyrstalið hjá EB/Streymi, er hann eisini farin undir at taka B-venjaraútbúgvingina hjá FSF.
Vit fegnast um at vit kunnu fáa gleði av royndunum og góðu eginleikunum hjá Arnari, og ynskja honum og felagnum tillukku við sáttmálanum.