EB/Streymur hevur gjørt avtalu við NSÍ, um at leiga 18 ára gamla áleyparin, Steffan Abrahamsson Løkin, í eitt ár.

Steffan er ein ungur og sera evnaríkur áleypari. Steffan hevur enn sín fyrsta dyst í betrideildini til góðar, men hann hevur trena við okkum nú í eina tíð og hevur hann víst at hann heilt víst hevur evnini. Í fjør leikti hann við 1.deild og U21 liðnum hjá runavíkingum og skoraði 49 mál í 48 dystum. Hann var partur av U17 landsliðnum, ið spældi seg til EM endaspæli í 2017. Steffan hevur leikt 9 dystir fyri U17 landsliðið og 6 dystir fyri U1 landsliðið.

Vit ynskja Steffani til lukku við sáttmálanum og góða eydnu í betri deildini.