EB/Streymur - B36 2-6

04. oktober 2020
  • Mynd: Sofus Debes Johannesen
  • Mynd: Sofus Debes Johannesen

B36 kom á vitjan hjá EB/Streymi í dag, og lat tað vera sagt beinanvegin, spenningurin hvarv beinanvegin. Málini regnaðu inn tíðliga í dystinum. Longu tá 20 minuttir vóru leiktir, var støðan 4-0 til B36. Talan var um nógvar keðiligar feilir á okkara liði, ið góvu B36 leikarum tíð og pláss til at revsa okkum. Hesi málini skutu Andrass Johansen, Eli Falkvard Nielsen, Ragnar Samuelsen og Stefan Radosavljevic.

EB/Streymur vildi eisini sleppa uppí part 10 minuttir fyri steðgin, tá Niklas Kruse setti eitt brotsspark í netið til 1-4. Tað gekk tó skjótt, so skoraði B36 aftur. Andreas Thomsen setti bóltin í málið, langt útifrá. 1-5 Í seinna hálvleiki skoraði EB/Streymur fyrst. Málskjútti til 2-5 var aftur Niklas Kruse, sum gagnnýtti at B36 verjan og málverjin ikki fingu bóltin av vandaleið.

Seinasta málið í dystinum skoraði Stefan hjá B36, eftir upplegg frá Sebastian Pingel. Hetta var tá 80 minuttir vóru leiktir. Samanumtikið var munur á liðunum í dag. Annað liðið spælir fyri at fylgja við teimum fremru liðunum í Betri deildini, ímeðan okkara lið roynir at nærkast miðjuni.

Næsti dystur hjá EB/Streymi verður ímóti KÍ í Klaksvík, 17. oktober. Tann uppgávan tykist eisini verða trupul, áðrenn tey lægru liðini bíða okkum seinastu dystirnar. Drívið á!


Seinastu tíðindi

U21 landsliðsleikari er okkara
11.02.2024
Filip heldur fram í EB/Streymi
25.01.2024
Arnbjørn og Niels Pauli skulu hjálpa Sigfríði
24.01.2024
Aðalfundur
12.01.2024
Aðalfundur
04.12.2023