EB/Streymur og Ragnar B. Danielsen hava í dag longt sáttmálan, so 28 ára gamli klaksvíkingurin eisini spælur í blá-svørtum komandi kappingarár.  

Ragnar hevur verið fastur fúsur á EB/Streymaliðnum seinastu 6 árini. Farna kappingarár spældi hann 25 dystir, fyri tað mesta í vinstru verjusíðu. Hann hevur nú tilsamans spælt 155 dystir og skotið 20 mál fyri fyrstalið hjá EB/Streymi.

Vit ynskja Ragnari og felagnum tillukku við sáttmálanum og góða eydnu í komandi avbjóðingum.