Tað er við stórari gleði at vit kunnu kunngera, at Jens Erik Bruhn hevur gjørt ein nýggjan sáttmála við EB/Streym.

Jens Erik spældi ein stóran leiklut á EB/Streymaliðnum í fjør, har hann spældi 26 dystir í landskappingini og tveir dystir í steypakappingingi. Jens Erik var saman við Emil og Filip leikarin við næstflest málstigum(9) farna kappingarár. Tað bleiv til 4 mál og 5 upplegg hjá arbeiðssama trongisvágsmanninum.

“Eg eri spentur uppá nýggja kappingarárið og vónandi kunnu vit byggja víðari uppá endaspurtin í fjør” sigur Jens Erik í viðmerking til EB/Streyma heimasíðuna.

Sáttmálin millum Jens Erik og EB/Streym er galdandi fyri kappingarárið 2025.