EB/Streymur fer í næstum at styrkja um Betri-hópin.

Talan er um ein gamlan kenning, Gestur Bogason Dam, sum var partur av EB/Streyma hópinum í 2018 og 2019, til hann flutti til Danmarkar í august í fjør.

Nú er Gestur aftur í Føroyum, og verður partur av hópinum hjá EB/Streymi komandi 3 mánaðirnar. Orsaka av sóttarhaldi verður hann tó ikki tøkur fyrr enn um einar tvær vikur.

Vit ynskja Gesti at vera vælkomin, og gleða okkum at síggja hann aftur á vøllinum.